اقرار لیک

څنګه د اقرار لیک ترلاسه کړو

اقرار لیک یو قانوني سند دی چې پکې درې واجد شرایط افراد د دوه شاهدانو په موجودیت کې په یو ځانګړي موضوع اقرار کوي. شاهدان د اقرار د صحت تصدیق کوي او ګواهي ورکوي. د اسنادو د بشپړ څیړلو، د اقرار د صحت د تصدیق، او د قانوني تشریفاتو د مراعاتولو وروسته، سفارت یا قونسلګرۍ برخه دغه سند تصدیق کوي او د قانوني اسنادو په برخه کې ثبتوي.

د اقرار لیک شرایط:
  • د اقرار کونکي شرایط: اقرار کونکی باید بالغ، عاقل، قاصد او مختار وي. نو ځکه د لیوني، کوچني، بې ارادې یا د مجبور شوي (مکره) کس اقرار به معتبر نه وي.
  • په مالي چارو کې: که د اقرار لیک موضوع مالي وي، اقرار کونکی باید د مالیاتو په لحاظ سالم وي او سفیه نه وي. همدارنګه، په مالي چارو کې یو کس چې ورشکسته یا مفلس وي، معتبر اقرار نه شي وړاندې کولی.
  • د اقرار د صحت شرایط: اقرار لیک باید معلق نه وي او داسي موضوعات پکې شامل نه وي چې د روانو قوانینو خلاف وي یا په عقلي او عرفي لحاظ ناشوني ګڼل شي.
شتون او د هویت اسناد وړاندې کول:
  1. اقرار کونکي، شاهدان، او مقر له (هغه څوک چې د هغه په ګټه اقرار کیږي) باید په شخصي ډول د سفارت په حضور کې د معتبرو هویت اسنادو (لکه د افغانستان تذکره یا پاسپورت) سره حاضر شي.
  2. پورته یاد شوي هر کس باید د سپین شالید سره یو نوی پاسپورټ سایز عکس هم له ځانه سره ولري.
د اقرار لیک ډولونه:
  1. د واده اقرار لیک
  2. د مجردۍ اقرار لیک
  3. نور قانوني اقرار لیکونه
مهم ټکي

یادونه: مقر له، یعنې هغه کس چې د هغه په ګټه اقرار کیږي، باید په بشپړ ډول معلوم او مشخص وي. د ناپیژندل شوي کس یا موضوع په اړه اقرار به معتبر نه وي.

کاري ساعتونه
دوشنبه 09:00 - 16:00
سه شنبه 09:00 - 16:00
چهارشنبه 09:00 - 16:00
پنجشنبه 09:00 - 16:00
جمعه 09:00 - 14:00
شنبه بند
یکشنبه بند