د زوجیت وثیقه

د تصدیق زوجیت (د واده تصدیق) ترلاسه کولو لارښود

د نکاح سند یا د واده وثیقه د قونسلي څانګې لخوا په درې لاندې حالتونو کې صادریږي. درنو غوښتونکو ته په درنښت، هیله کیږي چې د لاندې ټولو مواردو له دقیقې مطالعې وروسته، د خپلې اړوندې برخې مطابق د اړتیا وړ اسنادو او ټولو مراحلو بشپړولو سره سفارت ته مراجعه وکړي.

لمری حالت :

هغه جوړې چې مخکې یې شرعي نکاح ترسره کړې وي، واده یې د سند د صادرېدو تر مهاله دوام لري او دواړه خواوې اوس مهال په سویډن یا فنلینډ کې شتون لري، د لاندې شرایطو په بشپړولو سره سفارت ته مراجعه وکړي:

  1. د دواړو خواوو حضور په سفارت کې.
  2. د دواړو خواوو د تذکرې یا پاسپورټ اصل او کاپي وړاندې کول.
  3. د اوسېدلو هېواد د پېژندپاڼې اصل او کاپي وړاندې کول.
  4. د هر شخص (دواړه خواوې او شاهدان) یوه قطعه عکس.
  5. دوه شاهدان او درې اقرار کوونکي له پېژندپاڼې او عکس سره.
  6. د واده عرفي یا شرعي سند یا د اولادونو د زوکړې سندونه (که اولادونه ولري).
دوهم حالت:

هغه جوړې چې شرعي نکاح یې ترسره کړې ده، خو یو له دواړو خواوو څخه له سویډن یا فنلینډ څخه بهر وي، لاندې شرایط دې بشپړ کړي او د اړوند اسنادو سره دې سفارت ته مراجعه وکړي:

  1. د هغه همسر له خوا رسمي وکالتنامه چې په سویډن یا فنلینډ کې شتون نه لري.
  2. د دوو شاهدانو شتون له پېژندپاڼې سره.
  3. د شرعي یا عرفي سند وړاندې کول چې د دواړو خواوو د واده د ترسره کېدو ثبوت وي (عرفي واده سندونه، او داسې نور).
  4. د دواړو خواوو د تذکرې یا پاسپورټ اصل او کاپي وړاندې کول.
  5. د دواړو خواوو د تذکرې یا پاسپورټ اصل او کاپي وړاندې کول.
  6. د هر شخص (دواړه خواوې او شاهدان) یوه قطعه عکس.
دریم حالت:

هغه جوړې چې دواړه خواوې په سویډن یا فنلینډ کې دي او غواړي نوی واده ترسره کړي، باید لاندې شرایط په پام کې ونیسي او عملي یې کړي:

  1. د دواړو خواوو حضور په سفارت کې.
  2. د دواړو خواوو د تذکرې یا پاسپورټ اصل او کاپي وړاندې کول.
  3. د اوسېدلو هېواد د پېژندپاڼې اصل او کاپي وړاندې کول.
  4. د هر شخص (دواړه خواوې او شاهدان) یوه قطعه عکس.
  5. د سویډن یا فنلینډ د مالیې ادارې د تجرد سند وړاندې کول چې له صادرېدو یې تر ۶ میاشتو زیات وخت نه وي تېر شوی.
  6. د واده قانوني او شرعي خنډونو نشتوالی د زوجه د ولی رضایتلیک په واسطه ثابتول.
  7. دوه شاهدان له معتبر پېژندپاڼې او عکس سره.
د سند صادرول
  • د نکاح سند فیس ۲۰۰۰ سویډني کرون دی چې د سفارت د بانکي حساب له لارې ورکول کېدی شي.
  • په هماغه ورځ صدور: کله چې ټول شرایط پوره شي، سند به هماغه ورځ د رسمي کاري ساعتونو په ترڅ کې صادر شي.
مهم ټکي

غوښتونکي دې د نکاح سند یا نکاح خط په هر صورت کې، د پورته ذکر شویو حالاتو او شرایطو په پام کې نیولو سره دې لینک کلیک وکړي او د اړوند فورم د ډکولو وروسته، هغه کوډ یا شمېره چې په اتومات ډول ترلاسه کېږي، سفارت ته وړاندې کړي.

کاري ساعتونه
دوشنبه 09:00 - 16:00
سه شنبه 09:00 - 16:00
چهارشنبه 09:00 - 16:00
پنجشنبه 09:00 - 16:00
جمعه 09:00 - 14:00
شنبه بند
یکشنبه بند